ဒိုင်ယာရီ ရဲ့ နောက်ဆုံးစာမျက်နှာ

နှင်းစက်လက် တွဲခိုနေတဲ့
စံပယ်အိုလေးရေ....
ဒီလကွယ်ညမှာပဲ
ဆုတ်ကိုင်ထားတဲ့ လက်ချောင်းတွေကို
ဖြည်ချလိုက်ပါတော့ ။

တချို့လူတွေက
ဘ၀မှာ ကြယ်တွေကြွေကျခဲ့သတဲ့
ငြိမ်သက်စွာ ခရီးနှင်ကြဦးပေါ့ကွယ်
ကိုယ့်မှာက...
နေတွေလတွေတောင် ကြွေကျခဲ့ဖူးပါတယ် ။

" သွားတော့မယ်နော်...
ကံကြုံရင် ပြန်ဆုံကြဦးမှာပေါ့ " လို့
ကံမကောင်းသူတို့ရဲ့
မှိုင်းညို့သောလမ်းခွဲ
ကျောက်စရစ်ခဲတွေ အပြိုင်းအရိုင်း လွင့်ကြဲနေတယ် ။

( ဘာပဲဖြစ်ဖြစ် ကိုယ့်အပြစ်ပါပဲ )
လေရိုင်းတွေ ၀ိုင်းဝန်းကိုက်ခဲကြတဲ့
မီးလျှံစတစ်ခုလို ပြာညိုယိမ်းထိုး
ပြက္ခဒိန်မှာတော့
နက်ဖြန်ခါဟာ နာမည်ဆိုးမရှိရှာပါဘူး ။

ဒါပေမယ့်....
လွမ်းဆွတ်နေသူတစ်ယောက်ရဲ့
ကြောက်မက်ဖွယ်ရာ အိပ်မက်များ
နှင်းဆီချွေရထားမှာ
စူးစူးဝါးဝါး ဥသြဆွဲပစ်လိုက်တယ် ။

ဒီည....
နောက်ည....
ဘယ်လိုမှ နိဂုံးချုပ်မရပါဘူး
ဘီလူးဖမ်းသလို ကြမ်းတဲ့လင်္ကာ
ငှက်ဆိုးတွေအိပ်မှ
တိတ်တဆိတ် ကိုယ်ရေးလိုက်ပါတယ် ။

" ပျော်ခွင့်မပိုင်သော
ဒိုင်ယာရီ၏ နောက်ဆုံးစာမျက်နှာထက်၌ "
နတ်သူရူးတွေ ကြဲပက်တဲ့
ကောင်းကင်ဘုံက အက်ဆစ်တစ်စက်လို
ရှအက်ကြေကွဲ
ရှ - အက် - ကြေ - ကွဲ ....
မင်နီတွေ ' ရဲ ' လို့ပေါ့ကွယ် ။ ။


(တာရာမင်းဝေ)